Plas Menai yw’r lleoliad delfrydol ar gyfer digwyddiadau adeiladu tîm corfforaethol, gyda phecynnau gweithgareddau pwrpasol wedi’u teilwra i gyd-fynd â’ch union anghenion. Gyda dros 30 mlynedd o arbenigedd mewn darparu gweithgareddau antur dan do ac awyr agored llawn cyffro, rydym yn arbenigo mewn creu profiadau pwrpasol sy’n helpu i ysbrydoli gwaith tîm, hybu hyder, a gwella sgiliau cyfathrebu ar gyfer eich tîm – a hynny i gyd wrth ganolbwyntio ar hwyl!
Mae ein lleoliad godidog ar lannau Afon Menai yn darparu cefndir ysbrydoledig ar gyfer eich taith adeiladu tîm. Yn fwy na hynny, gan ein bod ond taith fer mewn car o Parc Cenedlaethol Eryri, rydym hefyd yn cynnig teithiau tywys ac alldeithiau i grwpiau. Waeth beth fo’r tywydd neu’r adeg o’r flwyddyn, mae ein hamrywiaeth o weithgareddau yn addas ar gyfer pob oed, gan sicrhau profiad cofiadwy sy’n mynd y tu hwnt i’r daith gorfforaethol nodweddiadol.
Mae ein hyfforddwyr ymroddedig a phrofiadol wedi ymrwymo i sicrhau bod eich tîm yn cael y gorau o’u hymweliad. Rydym yn alinio ein gweithgareddau â nodau corfforaethol, gan feithrin sgiliau allweddol fel gwneud penderfyniadau, gwaith tîm a chyfathrebu. Mae Plas Menai hefyd yn dal y drwydded AALA, ac mae ein gweithgareddau’n cael eu harchwilio’n rheolaidd gan y RYA a Chanŵ Cymru i warantu diogelwch yr holl gyfranogwyr.
Mae gennym ni hefyd amrywiaeth o ystafelloedd adloniant ar gael, a gallwn gynnig arlwyo i chi a’ch tîm, gan allu cwmpasu eich diwrnod corfforaethol cyfan o’r dechrau i’r diwedd.
Darganfyddwch ystod eang o weithgareddau adeiladu tîm sydd wedi’u cynllunio i ymgysylltu a herio’ch tîm gan ddefnyddio’r dolenni isod. Os hoffech drafod creu pecyn wedi’i deilwra, cysylltwch â ni ar 0300 3003112 neu e-bostiwch [email protected]